Në fund të takimit me delegacionin e OSBE/ODIHR, të kryesuar nga Ursula Gaçek, kreu i Partisë Demokratike, Lulzim Basha, tha se është diskutuar për zgjedhjet e 25 prillit, që sipas tij, problem madhor kishin blerjen e votave.
“Ambasadores Gacek i shpreha mirënjohjen për punën e jashtëzakonshme të misionit. Ishte takim në kushte të kufizuara për shkak të pandemisë, me të dhe bashkëpunëtorët e saj. Raporti i OSBE/OHDIR, fakton masakrën zgjedhore, vrasjen e demokracisë në Shqipërisë më 25 prill. Mjafton të shihni rekomandimi dy, ku thotë; shteti duhet të garantojë sekretin e votës dhe lirinë. Njerëzit duhet të votojnë të lirë nga frika dhe ndëshkimi.
Nëse hiqet fjala ‘Shqipëri’ nga raporti, do të ishte si për një vend si Bjellorusia e Lukanshenos. Për ironi mora vesh se një aktiviste nga Bjellorusia është në takim me Lukashenkon e Shqipërisë. Ironi e madhe! Ose ndoshta mund ta ndihmojë ta shikojë se si operon Lukashenkon e Shqipërisë nga afër, që të mund Lukashenon e Bjellorusisë” – tha Basha.
Mes të tjerash, Basha tha se e ka informuar ambasadorin e OSBE se ka vetëm një arsye që opozita ndodhet sot në Parlament dhe që është kthimi i demokracisë dhe legjitimitetit në vend.
“Raporti flet për lirinë e medias dhe siç ndava me ambasadorin gjërat nuk janë bërë më mirë, por më keq. Në kohën që shkruhej raporti, Rama mori zëdhënësen e partisë dhe e vuri në krye të Autoritetit të Medias. po tenton të zhdukë edhe atë pak liri që gazetarët kanë për të mbledhur informacion dhe për të bërë transparencë. Raporti flet për problemin madhor të blerjes së votave. Këto janë ato që ndava pak a shumë, por e informova, që kemi vetëm një arsye pse jemi në atë Parlament, jemi aty për kthimin e demokracisë dhe legjitimitetit në vend. Të gjitha këto probleme të marrin zgjidhje nuk mjafton një reformë zgjedhore, për të cilën PD është e vendosur dhe për të cilën kemi ngritur një grup pune, të kryesuar nga Alibeaj, dhe që do t’i çojmë shumë shpejt Kuvendit kërkesën për ngritjen dhe vazhdimin e punës për reformën zgjedhore. Por kjo nuk mjafton, sepse regjimi deri më 25 prill, por edhe pas, shkeli rregullat që kishte aprovuar vetë, pa opozitën, pa PD, pa aleatët tanë” – u shpreh Basha.
Ai gjithashtu u pyet nëse Partia Demokratike po përçahet, i cili iu shmang duke thënë se i vetmi armik i PD dhe i shqiptarëve është Edi Rama.
