Komentet ndaj këngëtares Beatrix Ramosaj pas konfirmimit të lidhjes së bujshme me aktorin Donald Veshaj, kanë qenë mjaft të ashpra në rrjet. Kjo e ka detyruar vëllain e saj, Alban Ramosaj, që të bllokojë komentet në Instagram, pasi mijë qytetarë, i kanë shkruar komente negative në videon e publikuar me motrën e tij.
Në lidhje me këtë trekëndësh ka reaguar dhe e ëma e artistes përmes një letre të dërguar asaj gjatë spektaklit të natës së mbrëmshme.
“Beba jeme, sa më ka marrë malli për ty vetëm zemra ime e di. Të gjithë jemi shumë mirë. E di që ke nevojë të dëgjosh këtë. Të ndjek nga kudo që shkoj. Kam qarë e kam qeshur bashkë me ty. Ti e di sa vështirësi kam kaluar në jetë dhe kam qarë vetëm nga dashuria që më falni ti e Albani. Jeta është shumë e shkurtër, gëzoni, lumturoni, falni, jetoni fort dhe bindshëm se frymën e fundit ta jepni me buzëqeshje se ashtu donit të jetonit. Të kam parë afër me Donaldin, më bëhet zemra mal kur të shoh dhe kuptoj që je e lumtur pas kaq shumë kohësh. Bekimin e plotë timin e merr vetëm nëse ai djalë e thotë me fjalë të mëdha se e ka lënë pas të kaluarën. Ti Trixa nuk ke pse merr në kurriz të problemet e të tjerëve. Të dua në çdo formë e në çdo ngjyrë që ke.”, shkruante ajo.
Discussion about this post