Një 20- vjecar nga Korea e Jugut është dënuar me 14 muaj burg pasi akuzohet për vrasjen e 76 maceve. Sipas mediave vendase ky është rasti më i rëndë i regjistruar në vend ndaj vrasjeve të kafshëve.
Bëhet e ditur se ai filloi të vriste mace midis dhjetorit 2022 dhe shtatorit 2023 pasi macet gërvishtën makinën e tij.
Ai mori mace endacake nga rruga, adoptoi mace nga faqet e internetit përpara se t’i mbyste për vdekje ose t’i vriste me gërshërë, apo ti shtypte me makinë sipas vendimit të gjykatës.
Gjykata vlerësoi se dënimi me burg ishte i pashmangshëm, sepse ai kryente vazhdimisht krime mizore të papërshkrueshme me paramendim.
U theksua se dënimi ende pasqyronte faktin se i riu nuk kishte precedentë penalë dhe ishte penduar për krimet e tij, si dhe se motivi i krimit ishte një çrregullim i panjohur mendor.
Discussion about this post