Masat e sigurisë së SPAK ndaj Beqajt, Klosi: Besoj në pafajësinë e kolegut

Sekretari i Përgjithshëm i PS-së, Blendi Klosi, ka reaguar lidhur me masat e sigurisë ndaj Ilir Beqajt, vendosur nga GJKKO, me kërkesë të SPAK.

Klosi tha se priret ti besojë deklaratave të Ilir Beqajt, i cili ka pohuar që ky proces do të pastrojë figurën e tij.

“Partia Socialiste nuk bëhet mburojë dhe në asnjë rast nuk do të kundërshtojë vendimet e drejtësisë së re. Besoj shumë në atë që thotë kolegu Ilir Beqaj”, tha Klosi në emisionin “Kjo Javë”.

Ai tha se SPAK po bën detyrën, është një proces, që ne nuk e kemi kundërshtuar dhe as anatemuar.

“Partia Socialiste i ka dhënë mundësi me qindra njerëzve që të jenë pjesë e administratës, në postet drejtuese, të jenë në poste që kanë firmosur, janë gjykuar, janë hetuar, por ajo që dua të them se sot kemi një sistem të pavarur drejtësie dhe ka marrë fund pandëshkueshmëria”, tha Beqaj. Sipas tij, kjo është një nga arritjet më të mëdha të 10 viteve të fundit.

Sekretari i Përgjithshëm i PS-së tha se Beqaj dha dorëheqjen nga detyra administrative jo se është fajtor, por sepse nuk ka dashur të mbrohet nga posti që ka pasur.