Bashkëjetuesja e Kledit, Haula, një vajzë gjermane, ishte e ftuar sot në një lidhje Skype te emisioni “Shqipëria Live”, ku ajo foli për marrëdhënien e saj me Kledin dhe se si e shikonte brenda shtëpisë më të famshme në Shqipëri.
“’Big Brother’ është diçka e re, është një eksperiment i ri. Natyrisht që ai është larg nga familja, nga njerëzit e dashur. Një respekt i madh për mua që ka ecur aq mirë, është shumë i dashur.”
Kur ajo u pyet se si ishte ndjerë kur Kledi masazhoi vajzat e shtëpisë, ajo u përgjigj se nuk e shikon këtë dëshirë me aq dëshirë të madhe.
“Nuk e shoh me aq dëshirë të madhe, natyrisht, por ai është Kledi, është i dashur, më i dashur seç duhet, por nuk jam xheloze për këtë, sepse e di se si është Kledi.”
Prezantuesi e pyeti se si është ndjerë kur ai u përgjigj “No Comment” për statusin e tij nëse është single apo në lidhje.
“Ne kemi 6 vjet bashkë. Për mua është shumë korrekte që ai nuk flet për jetën private.”
Kujtojmë se Kledi u zgjodh spektaklin e djeshëm si i preferuari i banorëve dhe vendosi të luaj çift me Arjolën në një sfidë që u ka vendosur “Vëllai i Madh”. Ai komentohet si tepër pozitiv dhe i dashur prej tyre, por edhe nga shumica e publikut.
Discussion about this post