Tre persona janë vënë në pranga nga Policia e Fierit, pasi akuzohen për kultivim narkotikësh dhe mashtrim me kredi. Gjatë operacionit “Horizonti” janë arrestuar Përparim Smira, Erjon Hebeja dhe Ronard Kovaçi.
Smira ishte shpallur në kërkim pasi gjatë operacionit policor të koduar “Hoxhara”, zhvilluar në datë 16.10.2021, në banesën e tij, policia gjeti dhe sekuestroi 10 kg lëndë narkotike cannabis sativa.
Ndërsa Hebeja, banues në Hamil, Fier, ishte në kërkim pasi Gjykata e Apelit Vlorë ka caktuar masën e sigurisë “Arrest me burg” për veprën penale “Kultivimi i bimëve narkotike” dhe Kovaçi, 23 vjeç, banues në Lushnjë, ishte në kërkim pasi Gjykata e Shkallës së Parë Elbasan, me vendimin e datës 02.02.2022 ka caktuar për këtë shtetas masën e sigurisë “Arrest me burg” për veprën penale “Mashtrimi në kredi”.
Ky shtetas, në bashkëpunim me 2 shtetas të tjerë (të cilët janë arrestuar nga Policia) duke u prezantuar si punonjës të një fondacioni që krijon lehtësira për të marrë kredi, kanë mashtruar R. B., 65 vjeç, banues në Elbasan, duke i kërkuar një shumë parash.
23-vjeçari iu dorëzua shërbimeve të Policisë Elbasan për veprime të mëtejshme. Materialet do i kalojnë Prokurorisë, për veprime të mëtejshme procedurale.
Discussion about this post