Janë zbardhur emrat e personave që përmes një kompanie Call-Centeri, mashtronin të huajit dhe iu vodhën miliona euro. Bëhet me dije se, protagonistët e kësaj skeme mashtrimi janë Elisa Kolndreu 22 vjeçe, Olda Shpendi 20 vjeçe, Aishe Baci 30 vjeçe, Senada Alija 21 vjeçe, Sonila Alij, 24 vjeçe, Ervin Osj, 29 vjeç, Nikolin Toma 26 vjeç dhe Ysniela Dalipi 27 vjeçe.
Mësohet se, këta persona prej një periudhe 1-vjeçare kishin krijuar një skemë që kryesohej nga një polak që kishte rekrutuar si menaxherë tre qytetarë shqiptarë. Kjo skemë ushtrohej në lokacione të ndryshme dhe konsistonte në mashtrimin kompjuterik nëpërmjet programeve dhe platformave të ndryshme si Vicidial, Forex dhe Exchange, në dëm të gjermanëve dhe spanjollëve.
Nga hetimet e deritanishme rezulton se polaku me iniciale P.Ë., me qëllim shmangien e hetimit pas operacionit kombëtar kundër mashtrimeve kompjuterike, kishte bërë çregjistrimin e të gjithë punonjësve dhe kishte vijuar ta ushtronte aktivitetin në fjalë në mënyrë të fshehtë. Sakaq, bëhet me dije se SPAK po vazhdon hetimet për të zbuluar më shumë rreth kësaj skeme, pasi dyshohet se janë të përfshirë edhe protagonistë të tjerë.
Discussion about this post