Dy gra nga Selaniku kanë zbuluar se janë martuar me shqiptarë pa dijeninë e tyre. E gjithë skema është zbuluar nga kanali MEGA TV dhe gazetari Nikos Evangjelatos, të cilët kanë hedhur dritë mbi ngjarjen. Sipas reportazhit, bëhet fjalë për një grup kriminal, ku përfshihen avokatë dhe nëpunës publikë grekë, të cilët falsifikojnë dokumente, kryejnë celebrime false dhe pajisin shtetas shqiptarë me pasaportë greke apo leje qëndrimi si bashkëshortë të shtetasve greke.
Deri tani janë konfirmuar 2 celebrime në gjendjen civile speciale të Athinës, për shtetasit e huaj, në vitet 2018 dhe 2019.
Pas denoncimit të grave, që zbuluan rastësisht se figurojnë të martuara me të huaj, një shtetas shqiptar ka pohuar se kërkoi nga avokatët të pajiset me leje qëndrimi, ndërsa ata i premtuan me pak euro më tepër “pasaportë dhe grua greke”.
Kështu, pranoi “të martohet” në formë sekrete me 34 vjeçaren nga Selanik. Një tjetër 29 vjeçare greke rezulton e martuar, pa dijeninë e saj. Çështja po hetohet nga policia greke.
Discussion about this post