Dalin të tjera detaje nga megaoperacioni i SPAK ku në bashkëpunim me autoritetet italiane u godit një grup kriminal, i cili dyshohet të ketë organizuar një skemë mashtrimi ndaj sistemit kombëtar shëndetësor italian dhe trafikut të barnave. Në skandal dyshohet se janë përfshirë dhe vajza të shoëbizzit shqiptar të cilat përfitonin shërbime mjekësore, e estetike, përfshinë dhe operacione plastike në këmbim të favoreve seksuale. Anëtarët e grupit organizuar kriminal mendohet se janë të përfshirë në trafikun e barnave me përmbajtje narkotike, që e kanë marrë në mënyrë të paligjshme nga sistemi kombëtar shëndetësor italian dhe janë shitur në Shqipëri.
Aksioni për goditjen e grupit të trafikut të medikamenteve, por jo vetëm, u finalizua sot edhe pse kishte nisur që në vitin 2020, ndërsa në pranga janë vënë 6 persona, ndërsa nën hetim janë 82 shqiptarë, mes tyre mjekë dhe biznesmenë. Mes mjekëve, emrat deri më tani u kanë dalë Edvin Priftit, Aurel Vulës, Ilir Broqajt dhe Vladimir Peto. Biznesmenët nën hetim janë Aleksandër Gjoka dhe Ndue Pulaj.
Discussion about this post