Në kuadër të operacionit “North Forex”, është arrestuar 21-vjeçarja Alma Sokoli, e cila ishte shpallur në kërkim pasi në vendimin e 21 nëntorit ku gjykata la me “detyrim paraqitje” tetë të arrestuarit, mori vendimin arrest me burg për të renë.
Mësohet se, e reja ishte bashkëjetuesja e polakut Pawel Wziontek që kishte krijuar skemën që konsistonte në mashtrimin kompjuterik nëpërmjet programeve dhe platformave të ndryshme si Vicidial, Forex dhe Exchange, në dëm të gjermanëve dhe spanjollëve.
Nga hetimet e deritanishme, rezulton se polaku me iniciale P.W., me qëllim shmangien e hetimit pas operacionit kombëtar kundër mashtrimeve kompjuterike, kishte bërë çregjistrimin e të gjithë punonjësve dhe kishte vijuar ta ushtronte aktivitetin në fjalë në mënyrë të fshehtë.
Më herët, policia arrestoi tetë personat e tjerë të përfshirë, ndërsa në kërkim është shpallur pronari Pawel Wziontek dhe menaxheri Klodian Memo.
Discussion about this post