Gjykata e Apelit në Durrës ka lënë në burg bosin turk të kriptovalutës, Faruk Fatih Ozer.
Biznesmeni turk Faruk Fatih Ozer u arrestua pak jave më parë në vendin tonë, pasi ishte në kërkim për mashtrim kompjuterik.
Ai kërkoi që të zbutet masa e dënimit të tij, nga dënim me burg në detyrim paraqitjeje.
Biznesmeni turk është arrestuar në gusht të këtij viti. Prej prillit të vitit të kaluar, Turqia kërkoi me insistim nga autoritetet shqiptare arrestimin e 28-vjeçarit i cili në vendin e tij kishte ngritur një skemë mashtrimi e cila kapte vlerën rreth 2.7 miliardë dollarë.
Nga hetimet rezultoi se Ozer ishte larguar nga Turqia dy ditë para se ndaj tij të lëshohej një urdhër-arrest.
Më 20 prill ai zbriti në Rinas dhe u gjurmua nëpërmjet kamerave në disa hotele në Tiranë dhe Durrës, por më pas humbi gjurmët.
28-vjeçari ishte larg pamjes së një biznesmeni të ri që ishte fiksuar në kamera, para se të shpallej në kërkim. Në apartamentin e tij policia sekuestroi në cilësinë e provës materiale laptopë, aparate celulare, karta bankash që pritet t’i vlejnë hetimit.
Pas arrestimit është njoftuar pala turke se i shumëkërkuari i tyre ka rënë në pranga dhe kanë nisur procedurat e ekstradimit. 28 vjeçari do te përballet në vendin e tij me 3 vepra penale.
Më 2017 Faruk Ozer krijoi bursën Thodex ku tregtoheshin kriptomonedha. Në Thodex krijuan llogari të tyre rreth 400 mijë qytetarë kryesisht turk të cilët kishin investuar rreth 2.7 miliardë dollar.
Në fillim të prillit të vitit të kaluar qytetarë të ndryshëm nuk patën më akses në llogaritë e tyre dhe ngritën padi për themeluesin e Thodeks.
Discussion about this post