Një gjykatës amerikan ka hedhur poshtë ofertën e një kompanie të njohur fast-food-esh për të hedhur poshtë një padi me pretendimin se mashtroi klientët e uritur duke e bërë sanduiçin e tij Whopper të duket më i madh se sa është në të vërtetë.
Gjykatësi Roy Altman në Miami tha se kjo kompani duhet të mbrohet kundër një pretendimi se përshkrimi i Whoppers në tabelat e menusë në dyqan mashtron klientët, duke përbërë shkelje të rregullave.
Klientët në aksionin e propozuar të grupit akuzuan kompaninw për portretizimin e hamburgerëve me përbërës që “mbushin mbi simite”, duke bërë të duket se burgerët janë 35% më të mëdhenj dhe përmbajnë më shumë se dyfishin e mishit siç shërben zinxhiri.
Kjo kompani, u kundërpërgjigj se nuk kërkohej të dorëzonte hamburgerë që duken “saktësisht si fotografia”, por gjyqtari tha se u takonte jurisë të “na tregojë se çfarë mendojnë njerëzit e arsyeshëm.”
Në vendimin e tij të bërë publik të premten, Altman gjithashtu i lejoi klientët që të kërkojnë dëmshpërblime, bazuar në neglizhencë si dhe pasurime të pajustifikuara.
Ai hodhi poshtë pretendimet e bazuara në reklamat televizive dhe në internet, duke mos gjetur asnjë në të cilën rrjeti i fast-food-eve premtoi një “madhësi” ose peshë të vogël të hamburgerit dhe nuk arriti ta dorëzonte atë.
Kompania dhe avokatët e saj nuk iu përgjigjën menjëherë kërkesave për koment të martën. Avokati i paditësve nuk ishte menjëherë i disponueshëm për koment. Përpjekjet e mëparshme për të ndërmjetësuar një zgjidhje rezultuan të pasuksesshme.
Ndërkohë, McDonald’s (MCD.N) dhe Wendy’s (WEN.O) po mbrojnë kundër një padie të ngjashme në gjykatën federale të Brooklyn, Nju Jork. Avokati i paditësve atje të hënën citoi mendimin e Altman për të justifikuar lejimin e vazhdimit të çështjes.
Taco Bell, një njësi e Yum Brands (YUM.N), u padit muajin e kaluar në gjykatën e Bruklinit për shitjen e Crunchwraps dhe picave meksikane që dyshohet se përmbajnë vetëm gjysmën e mbushjes së reklamuar.
Çdo padi kërkon të paktën 5 milionë dollarë dëmshpërblim.
Çështja është Coleman et al kundër Burger King Corp, Gjykata e Qarkut e SHBA, Distrikti Jugor i Floridës, Nr. 22-20925.
Discussion about this post