Në finalizimin e operacionit të “Nine”, policia ka arrestuar ditën e sotme 9 punonjës të një Call Centeri në Tiranë. Sipas të dhënave të publikuara, procedohen penalisht administratorët e 9 subjekteve call center, për veprat penale “Mashtrimi”, “Fshehja e të ardhurave” dhe “Mospagimi i taksave dhe tatimeve”.
Hetimet kanë zgjatur me kohë dhe pas grumbullimit të të materialit të nevojshëm janë vënë në pranga A. R., 52 vjeç, A. D., 27 vjeç, S. D., 26 vjeç, F. K., 28 vjeç, B. K., 29 vjeç, K. O., 26 vjeç, I. S., 34 vjeç, O. M., 54 vjeç, dhe K. T., 26 vjeç për veprat penale “Mashtrimi”, “Fshehja e të ardhurave” dhe “Mospagimi i taksave dhe tatimeve”.
Nga veprimet hetimore ka rezultuar se këta shtetas, duke shfrytëzuar punën e tyre si administratorë dhe menaxherë në disa call center-a të ndryshëm në qytetin e Tiranës, dyshohet se mashtronin shtetasit e huaj, kryesisht nga vendet e BE-së, që të investonin në bursë. Kujtojmë se raste të tilla janë shtuar shumë në vendin tonë, pasi polica ka nisur një hetim të gjerë për çdo call -center në kryeqytet dhe jo vetëm.
Discussion about this post