Nënë e bir që ishin shpallur në kërkim për mashtrim janë arrestuar nga policia e Shkodrës. Sipas njoftimit të policisë, E. L., 29 vjeç dhe L. L., 62 vjeçe akuzohen se përmes mashtrimit i kanë vjedhur 5 milionë lekë një të moshuari.
Në tetor të vitit 2021, ka kallëzuar shtetasi J. Q., 72 vjeç duke pretenduar se këta shtetas, me anë të mashtrimit, i kanë marrë një shumë prej 500.000 lekësh të rinj.
Shtetasi J. Q. ka kallëzuar se këta 2 shtetas kanë shkuar pranë banesës së tij, me një motor, i janë prezantuar si nënë e bir dhe i kanë deklaruar se kanë pësuar një aksident rrugor dhe kanë nevojë për këtë shumë parash, pasi jeta e tyre rrezikohej nga pronari i mjetit, me të cilin ishin përplasur.
Nga përfundimet rezultoi se historia ishte gënjeshtër. Materialet iu referuan Prokurorisë pranë Gjykatës së Rrethit Gjyqësor Shkodër, për veprime të mëtejshme.
Discussion about this post