“Mashtruese, plehra”! Përplasen fizikisht gratë në selinë e PD

Ka degraduar në përplasje fizike debati në PD mes grave që mbështesin ish-kryeministrin Sali Berisha dhe një simpatizanteje të kreut Lulzim Basha.

Pas përfundimit të takimit të Albana Vokshit me disa nga mbështetëset e Berishës, kjo e fundit ka dalë në deklaratë me Evi Kokalarin. Gjatë fjalës së Kokalarit, një grua që thuhet se punon në seli ka fyer dhe preku fizikisht Kokalarin. Kjo ka bërë që Kokalari t’i kthehet dhe t’i kërkojë që mos ta prekë dhe në një moment gati sa nuk filloi dhe një përplasje fizike mes të dyjave, por u pengua nga personat e tjerë prezentë.

Momenti kur ndodh sherri:

Evi Kokalari: Jeta ime është pak më e rëndësishme sesa lajmi që do jepni ju. U diskutuan ato që do bëjmë të shtunën. Gjithë java është në punë. Pavarësisht nga dhuna. Kjo është dhunë verbale. Lulzim Basha duhet të marrë përgjegjësi për atë që ndodhi më parë. Jam votuar me mbi 4000 delegatë për të qenë pjesë e Komisionit të Rithememelimit. Nuk mund të kontrollojë dy gra me probleme. Ky është Lulzim Basha. Si qenka ky provokim.

(Ndërhyn dhe e prek mbështetësja e Bashës)

Kokalari: Ju lutem mos më prek.

Mbështetesja e Bashës: Mashtruese!

Kokalari: Ju lutem mos më prek!

Mbështetesja e Bashës: Mashtruese! Plehra!