Policia ka shoqëruar 10 persona që do të merren në pyetje lidhur me vrasjen e trefishtë mëngjesin e djeshëm në Fushë-Krujë.
Të gjithë të shoqëruarit janë dërguar ne drejtorinë e policisë së Durrësit pasi në Fushë Krujë nuk ka ambiente.
Edhe sot me dhjetëra forca të FNSH-në kanë ardhur në Fushë Krujë të cilat do të merren me problemin në fjalë.
Diklen Vata, Besmir Hoxha dhe Brilant Martinaj, mbetën të vrarë në atentatin e pasdites të së dielës (16 Korrik) në mbikalimin e Fushë-Krujës.
Dyshohet se katër kanë qenë autorët të cilët ndodheshin në makinën tip “Volsëagen Passat” që qëlluan me breshëri plumbash mbi makinën e viktimave.
Besmir Hoxha dhe Brilant Martinaj, u shkrumbuan në makinën në të cilën ndodheshin pasi u përfshi nga flakët.
Ndërkohë Vata arriti të dilte i gjallë nga makina, por autorët sapo kanë parë atë duke dalë kanë kthyer dhe e kanë qëlluar duke e lënë të vdekur.
Në vendngjarje janë gjetur rreth 50 gëzhoja, ndërkohë një automjet kallashnikov është gjetur në makinën e autorëve dhe një pistoletë në makinën e viktimave.
Discussion about this post