“Nën hundën” e policisë, maskat grabisin një argjendari në qendër të Lezhës

Një argjendari në Lezhë është grabitur nga një person ende i paidentifikuar. Ngjarja ndodhi dje rreth orës 20:45 në qendër të Lezhës.

Mësohet se grabitja ka ndodhur nën hundën e policisë, vetëm 100 metra larg komisariatit të policisë.

Grabitësi arriti të merrte disa sende me vlerë nga argjendaria.

Gjatë gjithë ngjarjes ai mbante skafandë gjë që e vështirëson identifikimin e tij. Mësohet se grabitësi është përleshur me pronarin e biznesit. Por ka arritur të largohet me motor, pa arritur të identifikohet.