Një 27-vjeçar i identifikuar me emrin David Harmes nga Winsford është vënë në pranga pasi pranoi një sërë shkeljesh seksuale ndaj të miturve. Siç raportojnë mediat e huaja, Harmes u deklarua fajtor për 88 vepra seksuale, 39 në MB dhe 6 në SHBA.
Gjatë një periudhe gjashtëmujore (korrik 2019 – shkurt 2020), David Harmes përdori maska të ndryshme për të joshur të miturit. I gjithë ky mashtrim dhe manipulim ishte për të ushqyer obsesionin e tij mizor. Gjatë gjithë kohës ai do ta mbante të fshehur identitetin e tij të vërtetë.
‘Viktimat’ ishin vajza nga mosha 6 deri në 15 vjeç. Harmes u paraqit në Gjykatën Chester Crown më 24 korrik për t’u përballur me akuzat. Ai u deklarua fajtor dhe i është caktuar masa e paraburgimit për t’u dënuar më 5 shtator. Akuzat përfshinin posedim, bërjen dhe shpërndarjen e imazheve të pahijshme, nxitjen e një fëmije për t’u përfshirë në aktivitet seksual, komunikim seksual me një fëmijë dhe përfshirje në aktivitet seksual në prani të një fëmije.
Discussion about this post