Një zënkë për motive të dobëta ka vijuar me të shtëna me Mat. Teksa ishin duke pirë në lokal Bashkim Koçi dhe Akil Dedja u konflikuan me njëri-tjetrin.
Si rrjedhojë, Koçi plagosi me armë zjarri Akil Dedjan. Autori Bashkim Koçi është identifikuar nga policia dhe është shpallur në kërkim.
Plagosja ndodhi rreth orës 04:30 ndërsa janë shoqëruar 8 persona në polici.
Akil Dedja u paraqit në spital për mjekim dhe vuri në lëvizje policinë për të identifikuar e më pas për të gjetur autorin.
Akil Dedja është djalë xhaxhai me Hulk Deden qe u shpall në kerkim para ca ditësh. Ky i fundit ka patur edhe një sherr të mëparshëm Kevin Suçin.
Në vitin 2011, Hulk Dedja ka tentuar të vrasë dy persona në shenjë hakmarrje për vrasjen e të atit. I ati i tij, Halit Dedja u vra në vitin 2010 në Tiranë. Aso kohe, vetëm 18 vjeç, Hulk Dedja në shenjë hakmarrje për vrasjen e të atit ka tentuar të vrasë dy pjesëtarë të fisit Kolaj nga Burreli.
Grupi hetimor nën drejtimin e Prokurorisë vijon veprimet në vendngjarje me qëllim zbardhjen dhe dokumentin e plotë të rrethanave të ngjarjes.
Njoftimi i policisë
Shërbimet e Komisariatit të Policisë Mat, rreth orës 04.30, kanë marrë njoftim se një shtetas kishte shkuar në spital për ndihmë mjekësore, i plagosur me armë zjarri, menjëherë kanë organizuar punën për zbardhjen e rrethanave të ngjarjes, identifikimin dhe kapjen e autorit.
Falë veprimeve të shpejta është bërë e mundur identifkimi i autorit të dyshuar, shtetasi B.K., 38 vjeç, banues në Burrel, ku vijon puna për kapjen e tij.
Nga veprimet e para hetimore dyshohet se këto dy shtetas kanë qenë në një lokal duke konsumuar alkool dhe pasi kanë dalë nga lokali , janë konfliktuar për motive të dobëta dhe shtetasi B.K., ka plagosur me armë zjarri pistoletë shtetasin A.D, 39 vjeç, i cili ndodhet në spital jashtë rrezikut për jetën.
Shërbimet e Policisë së Matit në bashkëpunim me strukturat hetimore të DVP Dibër, kanë shoqëruar në Komisariat 8 persona që dyshohet se kanë dijeni për rrethanat e ngjarjes.
Grupi hetimor nën drejtimin e Prokurorisë vijon veprimet në vendnngjarje me qëllim zbardhjen dhe dokumentin e plotë të rrethanave të ngjarjes.
Discussion about this post