Shefi i Policisë Rrugore Skënder Ismaili ka bërë të ditur se kanë mbërritur testet e drogës, të cilat do të jenë të zbatueshme në fillim të vitit 2022 për ata shoferë që shkaktojnë aksidente me pasojë vdekjen. Sipas tij, testit të drogës do t’i nënshtroet cdo shofer që përfshihet në një aksident.
“Policia Rrugore ka marrë testet e drogës, të cilat aplikohen njësoj si testet e alkoolit, por me disa veçori të veçanta. Testet, sapo kanë ardhur, do të pajisen me certifikatë nga Drejtoria e Metrologjisë dhe do të vihen në aplikim në vitin e ardhshëm. Besoj në fillim të vitit 2022, do të vihen në përdorim”, tha Skënder Ismaili në një intervistë televizive. Ndër të tjera, bëhet me dije se pesë muaj nga hyrja në fuqi e rregullave të reja në Kodin Rrugor, ku penalitetet për shkelësit janë shumëfishuar. Në lidhje me këtë shefi i Sigurisë Rrugore thotë se ato kanë dhënë rezultate në terren.
Discussion about this post