Pas rikthimit në funksionon të e-Albanias, Ministria e Arsimit ka njoftuar hapjen e aplikimeve për në universitete. Lajmin e ka bërë të ditur ministrja Evis Kushi, e cila përmes një postimi në faqen e saj në Facebook është shprehur se afatit për aplikimet do të jetë deri me datë 3 gusht. Ndërsa ka bërë me dije se studentët me mesatare mbi 8.5 do të përfitojnë bursë.
“Ja ku erdhi momenti që ju të merrni vendimin final për programin ku do të vijoni studimet e larta. Duke filluar nga sot e deri në datën 3 gusht, portali U-Albania do të jetë i hapur për ju që të bëni aplikimet. Ju sugjeroj që të mbështeteni në prirjet dhe pasionet tuaja, por gjithashtu të konsultoheni edhe një herë me mësuesit dhe prindërit, në mënyrë që të bëni zgjedhjen e duhur dhe të rrisni më shumë mundësitë për të fituar programin më të përshtatshëm për ju. Do t’ju ftoja që të keni në vëmendje maksimale edhe programet e studimit që ne i kemi cilësuar si prioritet kombëtar. Siç e dini, këto programe lidhen me disa fusha të shkencave humane, mësuesisë, shkencave natyrore, inxhinierisë, bujqësisë dhe shërbimeve.
Studentët ekselentë dhe ata që zgjedhin programet prioritare do të përfitojnë përjashtim nga tarifat dhe bursa mujore me vlerë sa paga minimale, sipas parashikimeve të VKM-së Nr. 386 të miratuar në qershor të këtij viti https://bit.ly/3O7srrS. Gjithashtu, nisur nga marrëveshja e fundit që kemi nënshkruar me Kosovën, dëshiroj të ftoj edhe të rinjtë dhe të rejat nga Kosova që të aplikojnë për të ndjekur studimet e larta në universitetet tona, me të drejta të barabarta njësoj si studentët në Shqipëri. Ju uroj të gjithëve shumë sukses”, shkruan ajo.
Discussion about this post