Ditën e djeshme maturantët në vendin tonë kanë mbyllur Maturën Shtetërore me provimin e fundit, të lëndëve me zgjedhje. Por, shumë prej tyre dolën të zhgënjyer dhe të pakënaqur me tezën, duke thënë se një pjesë e mirë e pyetjeve nuk kishte të bënte fare me ato çka kishin përgatitur në shkolla. Për këtë arsye ditën e sotme, ashtu siç është bërë tashmë ‘traditë’, një pjesë maturantësh kanë dalë në protestë.
Një grup i vogël nxënësish janë mbledhur para Ministrisë së Arsimit ku kërkojnë ripërtëritje të testit. Nxënës që kishin zgjedhur lëndë me zgjedhje Biologjinë apo dhe Fizikën, ndërkohë që shprehen se pyetjet ishin jashtë programit. Më shumti ato ankohen për provimin e biologjisë, duke thënë se edhe një nxënës ekselent doli pa zhvilluar të plotë tezën.
Discussion about this post