Këtë të enjte, mbi 30.000 nxënës nisin provimet e Maturës Shtetërore 2023 me provimin e parë, atë të gjuhës së huaj. Përmbajtjen e tezës së provimit të gjuhës së huaj që do të zhvillohet në anglisht, italisht, gjermanisht, spanjisht, frëngjisht, si dhe turqisht (sipas gjuhës që kanë studiuar maturantët gjatë studimeve të shkollës së mesme).
Nesër, maturanti duhet të paraqitet në qendrën e provimit 1 orë e 30 minuta përpara orarit zyrtar të përcaktuar për zhvillimin e testimit. Provimet do të nisin në orën 10:00 dhe do të përfundojnë në 12:30. Mjediset e provimeve duhet të jenë të mjaftueshme për të paktën 150 nxënës që duhet të vendosen në largësi jo më pak se 1.2 metra. Ndërsa, maturantët me aftësi të kufizuara do të kenë teza të veçanta, por gjithsej janë 170 maturantë me aftësi ndryshe.
Maturantët do të testohen fillimisht në testin e anglishtes më 1 qershor, 6 ditë më pas në lëndën e gjuhës shqipe e letërsisë, ndërsa në 13 qershor do të zhvillojnë provimin e matematikës dhe e mbyllin 3 vitet e gjimnazit duke testuar njohuritë në lëndën me zgjedhje në 19 qershor.
Për provimet e këtij viti është vendosur që të hiqet fleta e përgjigjeve. Kështu maturantët do të mund të plotësojnë përgjigjet e sakta direkt në tezën e provimit dhe jo më në fletën e përgjigjeve, sikundër ka ndodhur deri në maturën e vitit të shkuar. E po ashtu, si çdo vit, një maturant përjashtohet nëse përdor telefon gjatë provimit, ndryshon vendin që i është caktuar, merr ose jep informacione apo komunikon me të tjerë, bën komente për përmbajtjen ose zgjidhjen e testit apo refuzon kontrollin nga ana e administratorëve gjatë hyrjes në qendrën e provimit.
Discussion about this post