Ministrja e Arsimit, Evis Kushi ka shkarkuar nga detyra drejtoreshën e Qendrës së Shërbimeve Arsimore Rezana Vrapi.
Arsyeja e shkarkimit nga detyra nuk është shpjeguar, ndërkohë mësohet se Vrapi është zëvendësuar nga Aurora Balliu.
Qendra e Shërbimeve Arsimore është vendosur shpesh në qendër të kritikave nga maturantët, në lidhje me testet e Maturës Shtetërore.
Vitet e fundit, maturantët kanë hasur vështirësi në hartimin e tezave dhe kanë pretenduar se janë ilustruar tema që nuk janë zhvilluar gjatë orëve mësimore në gjimnaz.
Protestat gjatë viteve të fundit kanë qenë prezente pas daljes së rezultateve të provimeve të maturës, për shkak se maturantët kanë pretenduar se skema e vlerësimit nuk është e duhura.
Discussion about this post