Maurizio Viscidi, një nga emrat më të spikatur të futbollit italian, do të jetë i ftuari special në kursin për Drejtor Teknik, i cili zhvillohet në kuadër të programeve të edukimit për trajnerët dhe drejtuesit e futbollit.
Maurizio Viscidi është një figurë e njohur në futbollin europian. Prej shumë vitesh mban rolin e Koordinatorit Teknik të Kombëtareve të moshave pranë Federatës Italiane të Futbollit (FIGC), ku luan një rol vendimtar në zhvillimin e talenteve të rinj dhe menaxhimin strategjik të ekipeve kombëtare të moshave.
Në dhjetor të vitit 2024 ai mori çmimin prestigjioz Burlaz, nga UEFA, për rezultatet e jashtëzakonshme të arritura nga Kombëtaret U17 dhe U19 të Italisë gjatë dy sezoneve të fundit
Pjesëmarrja e tij në kursin e Drejtorit Teknik ofron një mundësi unike për trajnerët dhe drejtuesit e futbollit të të rinjve shqiptarë që të mësojnë nga eksperienca dhe qasja inovative e një figure që ka ndikuar fuqishëm në zhvillimin e futbollit te te rinjve.
Përgjatë kursit, Viscidi do të ndajë strategjitë dhe metodologjitë që kanë çuar ekipet e moshave të Italisë drejt sukseseve të mëdha ndërkombëtare.
Federata e Futbollit është krenare që mirëpret një personalitet të tillë të rëndësishëm dhe mbetet e përkushtuar në sjelljen e ekspertëve më të mirë ndërkombëtarë për të zhvilluar futbollin shqiptar.
Discussion about this post