Deputeti i Partisë Demokratike, Ervin Salianji ka folur sot në Kuvend për sulmet e maxhorancës ndaj SPAK. Salianji u shpreh se PS hiqej sikur drejtësinë e kishte fokus kryesor ndërsa sot sipas tij e kërcënon me skualifikim nëse nuk i shërben asaj.
“Kjo maxhorancë që drejtësinë e kishte në fokus kryesor sot e kërcënon me skualifikim nëse nuk i shërben asaj. Me këtë tregon si i hodhi hi syve të gjithë shqiptarëve. Është e qartë që nuk ka mbrojtje më të mirë politike për kundërshtarin politik se ta sulmojë kundërshtari i vet politik. Jeni kthyer në akuzat e mesjetës a thua se PS nuk ka 9 vite në pushtet” – tha Salianji.
Salianji theksoi se PS sot përdor retorikë për të zhvendosur fokusin nga ngjarjet kryesore duke shtuar se në këtë grackë kanë rënë edhe demokratët.
“Sot është një retorikë e shpifur që i ka bërë qytetarët shqiptarë të na shohin të gjithëve njësoj kush merret me politikë. Kjo është situata ku e ka vendosur PS fokusin dhe vëmendjen. Edhe ne kemi rënë në grackë duke mos u marrë me problemet reale” – deklaroi ai.
Discussion about this post