Ndryshimet në ligjin “Për Sportin”, të propozuara nga kreu i KOKSH-it, Fidel Ylli, janë miratuar sot në Kuvend, por jo pa zëra kritikë, madje edhe brenda vetë Partisë Socialiste.
Deputeti i PS-së, Erion Braçe, refuzoi të votojë pro, duke u rreshtuar në krah të atyre që shprehin rezerva ndaj mënyrës si është hartuar dhe shtyrë përpara ky ligj. Ai ishte një nga katër deputetët që abstenuan, bashkë me Petro Koçin, Dashnor Sulën dhe Meri Markiçin.
Ligji është kundërshtuar ashpër nga opozita, që e ka cilësuar si një tentativë për kontroll shtetëror mbi sportin. Sipas tyre, projektligji është hartuar pa konsultim me federatat, me një frymë klienteliste dhe me qëllim për ta kthyer sportin në një vegël të qeverisë.
Në këtë klimë tensioni, abstenimi i një deputeti të mazhorancës si Braçe vetëm sa thellon dyshimet mbi qëllimin real të këtij ligji dhe mungesën e konsensusit të gjerë.
gijotina.com/
Discussion about this post