Partia Socialiste ka ngulmuar ndaj Kolegjit të Posaçëm të Apelimit, për të përfunduar procedurën e shkarkimit të anëtarit Luan Daci.Kjo trysni nga mazhoranca kërkon mbylljen e hetimit disiplinor ndaj Dacit, proces i cili qëndron i pezulluar prej më shumë se 6 muajsh.
Deri në këto momente, mazhoranca nuk ka shfaqur interes mbi këtë çështje, ndonëse kronologjia e të gjithë ngjarjes duket absurde, për shkak të rifillimeve dhe pezullimeve të hetimeve nga KPA.
Mësohet se përfaqësues të mazhorancës në Komisionin e Ligjeve, kanë kërkuar marrjen e një vendimi për Luan Dacin.Shkarkimi i kërkuar me ngulm nga qeveria ngre pikëpyetje të mëdha mbi qëllimet e papritura ndaj këtij hetimi disiplinor të anëtarit të KPA. Me shkarkimin e këtij të fundit, krijohet një vend vakant në një ndër strukturat më të larta të sistemit drejtësor.
Anëtari i Kolegjit të Posaçëm të Apelimit, Luan Daci është akuzuar për falsifikim dokumentesh, me të cilat ka aplikuar për pozicionin e tij të punës si anëtar i KPA-së.Daci mësohet se ka fshehur një masë disiplonore për largimin nga puna në vitin 1997.
Ndonëse zvarritja e kësaj çështje ka hasur shpesh reagim mediatik, vetëm me datë 10 nëntor 2021, KPA vendosi rihapjen e hetimeve për të disatën herë.Procesi u pezullua për herë të fundit në qershor, ndërsa zyrtarisht Gjykata e Lartë vendosi të martën më 26 tetor të mos pranojë rekursin e Luan Dacit, ndaj vendimit të Gjykatës së Posaçme të Apelit për Korrupsionin dhe Krimin e Organizuar për dërnimin e tij me 1 vit burg me kusht për falsifikim të dokumenteve, që i mundësuan të ishte pjesë e institucionit më të lartë të vetingut.
Discussion about this post