Futbollisti i skuadrës së Laçit, Mentor Mazrekaj ka theksuar se sistemi VAR do të vendos drejtësi në futbollin shqiptar. Sipas tij, janë plot shtatë skuadra që do të luftojnë për titullin kampion.
“Ishte ndeshje e mirë pas asaj me Vllazninë se te ajo kishim vështirësi se në ndeshjet e para janë të vështira. Nuk isha në formën më të mirë, por sot ishte me mirë.
Besoj sa të kuptojmë idetë e tij, stilin e lojës, ritmin e duhur, besoj se nga java e katërt dhe e pestë do të shihni Laçin e vërtetë.
VAR është gjë e mirë se nuk lejon ndërhyrjet e forta, parregullsitë. Në shumë raste ka pasur diskutime, por besoj se VAR do e bëjë më interesant dhe të drejtë kampionatin shqiptar.
Ndryshimi me Duron? Ky është trajner që do më shumë mbajtjen e topit, po besoj që duhet edhe të ketë lojtarët për atë lojë që kërkon. Të shohim në javët në vijim si do të interpretojmë lojën që kërkon trajneri.
Besoj se jemi 7 skuadra që kemi të njëjtat objektiva, minimumi Europën e maksimumi titullin. Besoj se të 7 jemi aty-aty, cila të bëjë gabime më pak, do të arrijë objektivat.
Laçi për titull? Nuk është për herë të parë. E provuam edhe vjet për kampion e nuk ia dolëm, besoj që viti i dytë do të jetë fatsjellës”, tha Mazrekaj.
