Aktivistja Greta Thunberg ndodhet në Tiranë ku të mërkurën mori pjesë në një protestë të organizuar për masakrën në Gaza.
Bashkë me të edhe aktivistë shqiptarë kërkuan ndërhyrje për të shpëtuar nga vdekja dhe uria banorët e Gazës.
“Gaza ka hyrë në fazën e pestë të kequshqyerjes që është e pakthyeshme, ndërkohë që mijëra kamionë presin që të hyjnë dhe kjo është pasojë direkte e heshtjes së botës që lejoi Izraelin të kryejë këtë akt gjenocidial. Ky është vazhdim i politikave të paligjshme të Izraelit që ka shkatërruar furra buke për të vijuar fushatën e urisë ndaj Gazës”, deklaroi nga Tirana aktivistja.
“Gaza është zyrtarisht në fazën e pestë të zisë së urisë. Ky lajm është therës. Kjo është një rrugë e urisë pa kthim. Kjo nuk është thjesht një krizë humanitare, është krim”, u shprehën të tjera aktiviste.
Discussion about this post