Dtën e sotme do të mbahet në Athinë Samiti Euromesdhetar (EUMED 9), ku merr pjesë për herë të parë Presidentja e Komisionit Evropian, Ursula von der leyen.
Të pranishëm në Samit janë edhe 8 liderë të Evropës Jugore, konkretisht presidenti i Francës, Emmanuel Macron, kryeministri i Italisë, Mario Draghi, ai i Spanjës, Pedro Sanchez, i Kroacisë, Andrej Plenkoviç, i Maltës, Robert Abeda, i Sllovenisë, Janez Jansa, presidenti i Qipros, Nikos Anastasiadis, si dhe ministri i Jashtëm i Portugalisë, Augusto Santos Silva.
Mësohet se Samiti ka në fokus çështjet dhe sfidat e sigurisë dhe stabilitetit të rajonit, kriza të mundshme si emigracioni, pas zhvillimeve të fundit në Afganistan, si dhe pasojat e ndryshimeve klimaterike, që ka prekur tashmë të gjithë Europën Jugore e Mesdhetare. Liderët, që do të ndodhen sot në Athinë, do të kenë takime me kryeministrin grek, Kyriakos Mitsotakis, ndërsa samiti zhvillon punimet në qendrën kulturore “Stavros Niarchos”.
Von der Leyen pritet të vizitojë Shqipërinë më 28 shtator, thuajse dy javë pas turit të lamtumirës së kancelares gjermane Angela Merkel në Ballkan.
