Mbajnë në duar foton e Lear Kurtit në spital, protestuesit zhvendosen te Kryeministria

Për të dytën herë qytetarët janë mbledhur sot në protestë pas vdekjes së të riut Lear Kurti në komisariatin nr.3 të Tiranës. Ata kërkojnë dorëheqjen e ministrit të Brendshëm Bledi Çuçi.

Fillimisht ata u mblodhën para Ministrisë së Brendshme, ku bënë thirrje për drejtësi për të riun, ndërsa më pas u zhvendosen para  kryeministrisë.

“Rama burg! Rama ik! Ju jeni vrasës. Drejtësi për Learin”, janë disa nga thirrjet që qytetarët bëjnë.

Ata mbajnë në duar veç pankartave, edhe foton e 32-vjeçarit nga spitali, me pranga në duar.

Kjo protestë mbështetet edhe nga kreu i PD Sali Berisha dhe deputetët e kësaj force, si dhe kreu i PL, Ilir Meta dhe mbështetësit e tij.