Mbajti peng dhe vodhi familjen në Selenicë, arrestohet 38-vjeçari (EMRI)

Një ngjarje u regjistrua ditën e djeshme ku një person mbajti peng për disa orë, nën kërcënimin e një arme, anëtarët e një familje, në banesën e tyre në fshatin Brataj, dhe iu vodhi me dhunë një shumë parash.

Ndërkaq ditën e sotme policia arrestoi shtetasit Vitrin Çobaj., 38 vjeç, banues në fshatin Vajzë, Vlorë, me precedent të mëparshëm penal në fushën e vjedhjes.

Gjatë kohës që ky shtetas ka qëndruar në banesë dyshohet se ka ngacmuar seksualisht shtetasen Y. F. dhe tre vajzat e saj të mitura, si dhe u ka vjedhur me dhunë shumën prej 36.900 lekësh.

Në cilësinë e provës materiale janë sekuestruar një armë gjahu, një shumë parash dhe veshje të cilat autori dyshohet se i ka përdorur gjatë kryerjes së krimit.

Materialet procedurale i kaluan Prokurorisë pranë Gjykatës së Shkallës së Parë Vlorë, për veprime të mëtejshme.