Robert Lewandoëski dhe Kylain Mbappe kanë dalë kundër organizimit të Kupës së Botës çdo dy vite.
Në ceremoninë e “Globe Soccer Awards” në Dubai, ata kanë deklaruar njëzëri se ideja e FIFA-s është e pamundur dhe se niveli do të ulet.
“Çdo dy vjet do të bëhet normale të luash një Botëror dhe nuk duhet të jetë kështu. Në fund do të luajmë 60 ndeshje në vit, Europiani, Kupën e Botës, Ligën e Kombeve… na pëlqen të luajmë, por është shumë. Nëse njerëzit duan të shohin cilësi, mendoj se do të duhet të bëjmë një pushim”, tha Mbappe
Edhe sulmuesi i Bayern mbajti të njëjtën linjë, duke thënë se nëse Kupa e Botës do të luhet çdo dy vjet, niveli do të ulet.
“Kemi shumë ndeshje në vit, javë të vështira. Nëse doni t’u jepni diçka ndryshe tifozëve, keni nevojë për një pushim. Ne duhet të shikojmë nga e ardhmja, nëse duam të luajmë një Kupë Bote çdo dy vjet, niveli ulet. Është e pamundur që trupi dhe mendja të japin të njëjtin nivel”, u shpreh Lewandowski
Discussion about this post