Kylian Mbappe është kthyer në ëndrrën e merkatos së shumë klubeve, pasi sulmuesi francez mbylli në vitin 2024 marrëveshjen që ka me PSG-në. Sigurisht që në rastin e tij përmenden shumë emra të njohur klubesh dhe një prej tyre është edhe Bayern Munich.
“Është e qartë që do të vijë te ne”, tha duke qeshur vetë trajneri Thomas Tuchel në një intervistë për “Canal+”. “Nëse do të kishte dëshirë që të vinte këtu, do të shkoja ta merrja unë me biçikletë”, tha më tej ai duke shprehur gatishmërinë për të pritur krahëhapur lojtarin të cilin e ka drejtuar te PSG-ja.
Por edhe ai, ashtu si drejtuesit e klubit bavarez, është i ndërgjegjshëm që marrëveshja nuk do të realizohet për shkak të kërkesave të larta ekonomike që ka lojtari.
“Nuk mendoj se është një gjë realiste”, pohoi Tuchel para kamerave.
Discussion about this post