Ylli i PSG-së, Kylian Mbappe lavdëron Marco Verratti-n dhe Gigio Donnarumma dhe thotë se ‘është kënaqësi’ të luash me portierin në Paris.
Mbappe u shpall lojtari i vitit në ‘Globe Soçer Aëards’ në Dubai të hënën. Duke folur për ‘Sky Sport Italia’ pas ceremonisë, Mbappe diskutoi marrëdhënien e tij me shokët e tij të skuadrës Verratti dhe Donnarumma.
“Ata janë të jashtëzakonshëm, janë kaq të rëndësishëm për ne. Verratti ka qenë në Paris për kaq shumë vite, ai është një lojtar kyç për ne, mesfushori më i mirë në botë. Donnarumma është portieri i së ardhmes, është kënaqësi ta kem atë te PSG”,-theksoi sulmuesi.
Portieri 22-vjeçar iu bashkua gjigantëve të Ligue 1 në një transferim të lirë nga Milan në verë.
Ai nuk është titullar i rregullt në Paris, por Mauricio Pochettino është duke e rrotulluar atë dhe Keylor Navas.
Verratti është një nga veteranët e PSG-së, pasi u transferua në Parc des Princes nga Pescara në një marrëveshje prej 12 milionë euro në 2012. 29-vjeçari ka luajtur 359 ndeshje me PSG-në, duke shënuar nëntë gola.
Kontrata e Mbappe skadon në fund të sezonit dhe Real Madridi ka qenë i lidhur fort me sigurimin e shërbimeve të tij si agjent i lirë në verën e vitit 2022.
Megjithatë, bashkëlojtarët e tij të PSG-së, përfshirë Verratti-n, la të kuptohet për zgjatjen e mundshme të Mbappe me gjigantët e Ligue 1 gjatë festës së ditëlindjes së sulmuesit javën e kaluar./K.T/Gijotina.com
Discussion about this post