“Sa e qetë që është situata brenda Paris Saint-Germain”… do të deklaronim kështu, nëse do të ishte me të vërtetë, e qetë, atmosfera në klubin kampion të Francës.
Realiteti, në fakt është totalisht ndryshe, me Kylian Mbappe që tashmë sillet si një “prima dona”, normal interesi që ka thithur rreth vetes, nga klube legjendare të futbollit botëror (in primis, Reali i Madridit), e ka bërë që të “luajë disi mëndsh).
Disa nga fjalët e tij, në një intervistë për mediat transalpine, kanë acaruar dhomën e zhveshjes.
“Kjo është një fyerje për klubin”. Këto janë disa nga fjalët, që lojtarët e PSG-së kanë shprehur pas deklaratave e Mbappe në “France Football”.
Revista i dha çmimin si lojtari më i mirë francez për sezonin e shkuar, sulmuesit të lindur në Bondy dje. Ceremonia e ndarjes së çmimeve u shoqërua me një intervistë në të cilën Mbappé deklaroi se “ishte shumë e vështirë për të fituar “Topin e Artë” në PSG, si dhe për të qenë në një klub përçarës”.
Kjo nuk ka tingëlluar mirë në dhomat e zhveshjes, sipas ‘RMC’. Gjashtë lojtarë nga skuadra pariziene, përfshirë dy nga nënshkrimet e reja, janë ankuar te drejtuesit e klubit për fjalët e Kylian, të cilat për disa prej tyre, janë një fyerje për skuadrën.
Discussion about this post