Ndonëse ka një kontratë deri në vitin 2022 më klubin e Paris Saint Germain, duket se Kylian Mbappe i ka sytë vetëm nga ‘Santiago Bernabeu’.
Duke ditur afatet kohore të kontratës, të dyja palët si lojtari ashtu edhe klubi francez janë të interesuar t’i japin një zgjidhje të shpejtë kësaj çështje. Mbappe e ka theksuar se ai dëshiron me patjetër të transferohet në Madrid aty ku prej kohësh ka gjetur akordin me Realin dhe ai po shpreson që drejtuesit e PSG-së ta lënë të lirë për t’u vendosur menjëherë në dispozicion të trajnerit Carlo Ancelotti.
Kjo gjë i ka vendosur jo pak siklet drejtuesit e PSG-së, të cilët janë të detyruar ta atë shesin këtë verë ose në të kundërt rrezikojnë ta humbasin falas sezonin e ardhshëm, pasi Mbappe as që ka ndërmend të rinovojë kontratën aktuale.
Për këtë arsye klubi francez është i detyruar ta shesë gjatë merkatos së verës, për të qenë korrekt me rregullat e fair play financiar. Shitja e kartonit të Mbappe do i arkëtonte PSG-së plot 150 milionë euro, duke i dhënë kështu mundësinë që të bëjë blerje të tjera të mëdha.
Momentalisht Leonardo ka piketuar dy blerjet e radhës për të plotësuar vendin e lënë bosh nga largimi i mundshëm i Mbappe. Ylli i Juventus, Cristiano Ronaldo është emri i parë në listën e francezëve, blerje që do përfshinte edhe Mauro Icardin si mjet shkëmbimi, ndërsa po ashtu ka patur zëra të shumtë që edhe Paul Pogba është duke u ndjekur me vëmendje nga Paris Saint Germain./Gijotina.com
