Sulmuesi brazilian i realit të Madridit, Rodrygo Da Silva Goes siguroi se nuk di asgjë për ardhjen e mundshme të super yllit francez Kylian Mbappe te klubi mbretëror, por pranoi se ardhja e tij në klubin spanjoll do t’i ndihmojë shumë.
Një-herë kampioni i Europës po shijon pushimet e tij para se t’i bashkohet përgatitjeve të skuadrës së tij për sezonin e ardhshëm dhe nuk duket të jetë i shqetësuar se një ardhje e mundshme e yllit të Parisit do ta bëjë konkurrencën më të madhe në sulm.
“Tek Real Madrid çështja e transferimeve është shumë e komplikuar, pasi Mbappe vjen çdo vit në skuadër. Nuk kam informacion për këtë rast, jemi ende në pritje. Sigurisht që shpresoj të vijë. Prania e tij do të na ndihmojë shumë, por ne ende nuk dimë asgjë“, theksoi asi 22-vjeçar.
Discussion about this post