Kylian Mbappe ka marrë një vendim përfundimtar për t’iu bashkuar Real Madridit më pak se gjashtë muaj para se të skadojë kontrata e tij me Paris Saint-Germain.
Gazeta gjermane Bild ka raportuar se “mbretërorët” duan të finalizojnë marrëveshjen sa më shpejt të jetë e mundur për të shmangur një përsëritje të telenovelës së vitit 2022. Megjithatë, të paktën deri më tani, Mbappe nuk ka treguar asnjë shenjë për të marrë vendimin e tij së shpejti.
Pasi Foot Mercato raportoi në fillim të këtij muaji se Mbappe kishte rënë dakord të bashkohej me Real Madridin, Sportbild i Gjermanisë tani e ka mbështetur lajmin, duke deklaruar se francezi ka vendosur të largohet nga PSG për të përfituar nga një mundësi e re për t’u bashkuar me Realin.
Sipas Bild, Mbappe së bashku me nënën e tij Fayza Lamari kanë marrë një vendim përfundimtar për t’u transferuar në Madrid.
Për më tepër, ai është i gatshëm të marrë një ulje page për të nënshkruar me Real Madridin dhe papritur do të pranonte një pagë prej 70 milionë euro në vit, ndërsa fiton deri në 100 milionë euro te PSG.
Kujtojmë se përkundër përpjekjeve të PSG-së për vazhdimin e kontratës, Mbappe ka thënë gjithmonë, qoftë edhe publikisht, se nuk dëshiron të vazhdojë bashkëpunimin dhe duket se ka ardhur koha kur do të veshë fanellën e klubit më të madh në botë.
Discussion about this post