“Mbaroi o jetë”, dëgjohet të thotë Bedri Celhaka teksa përqafon të bijën.
Ditën e djeshme bëri xhiron e rrjetit momenti i takimit të vajzës me babin pas daljes nga burgut pasi përfitoj nga amnistia penale.
Bëhet fjalë për Rexhina Çelhaka, e cila në në 26 gusht të 2021 u përfshi një aksident fatal me humbjen e jetës së 5 personave,ku pas përplasjes automjeti përfundoi në humnerën e Qafë-Muzinës.
22 vjeçarja në atë kohë, ishte duke drejtuar automjetin tip “Land Rover”, kur është përplasur me një furgon që drejtohej nga Bardh Prodo, i cili bënte rrugën Tirana-Sarandë çdo ditë, por ai 26 gusht ishte udhëtimi i tij i fundit, bashkë me katër pasagjerët që udhëtonin me të.
Përveç Bardh Prodos, viktima në atë aksident mbetën dhe: Drita Korçari, 72 vjeçe dhe Fiqiri Korçari, 77 vjeç, banues në Tiranë si dhe çifti ukrainas, Tetiana Fediaieva, 48 vjeçe, banuese në Ukrainë dhe Olesandr Fediaieva, 53 vjeç, banues në Ukrainë. Aksidenti ishte i rëndë, u desh ndërhyrja e ekipeve zjarrfikëse për të bërë të mundur nxjerrjen e trupave të pajetë nga mjeti që ishte shtypur poshtë humnerës së Qafë-Muzinës.
Vetë Rexhina Çelhaka dhe dy mikeshat e saj italiane që udhëtonin me të morën lëndime të lehta.
Gjykata e dënoi të renë me 5 vite burg, ku nga përfitimi amnistisë kreu veç 3.5 vite.
Discussion about this post