Kanë përfunduar pjesët e para të dy takimeve të Superligës që kanë çelur siparin për javën e gjashtë të Superligës. Fraksionet e para të këtyre sfidave janë mbyllur pa asnjë gol.
Egnatia ka treguar potencialin, jo të paktë që ka në këto 45 minuta të luajtura me kampionët në fuqi të elitës së futbollit shqiptar. Skuadra e Rrogozhinës, e cila u ngrit këtë sezon në Superligë, po tregon vazhdimisht që është një ekip që synon shumë. Teuta nga ana tjetër ka humbur lavdinë dhe nuk po mundet që të marrë rezultatet e dëshiruara.
Me shifrat 0-0 është mbyllur edhe 45 minutshi i parë midis Kastriotit dhe Laçit që është duke u zhvilluar në stadiumin e Kamzës. Të dyja këto skuadra janë të rrezikuara, duke u renditur krutanët në vend të tetë, ndërsa kurbinasit në fund të tabelës së Superligës.
‘Bardhezinjtë’ janë duke luftuar shumë në mënyrë që nga kjo sfidë të merren tre pikët, pasi kanë humbur ‘magjinë’ e dy sezoneve të fundit.
Megjithatë Laçi ishte shumë afër pësimit të një goli Grgiç, në minutën e 43-ë, por ajo goditje e lojtarit të Kastriotit u anulua për pozicion jashtë loje./K.T/Gijotina.com
