Kanë përfunduar pjesët e para të ndeshjeve të kthimit të fazës së 1/8-ave për Kupën e Shqipërisë.
Përballja me numrin më të lartë të golave është ajo midis Vllaznisë dhe Pogradecit. Shkodranët kanë shënuar plot 6 herë në portën e kundërshtarëve të tyre në vetëm 26 minuta lojë.
Ishte Mustedanagic ai që zhbllokoi rezultatin që në minutën e tretë, duke shënuar për ‘Kuqeblutë’, Aralica do të shënonte dy gola për Shkodrën në minutën e 7 dhe të 16-ë. Latifi rezalizoi nga pika e bardhë e penalltisë në minutën e 14, ndërsa Pura do të shtonte numrin e golave për Vllazninë me autogol.
Seria e golave për shkodranët e mbyll nga Hoxhaj në minutën e 26-ë, duke bërë që 45-minutshi i parë i kësaj sfide të mbyllej me rezultatin 6-0, teksa ekipi i Pogradecit nuk pati asnjë mundësi që të kundërpërgjigjej.
Sfidë tjetër interesantë është edhe ajo midis Skënderbeut dhe Bylisit, e cila deri më tani është me rezultatin 2-1, ballshiotët po kalojnë një sezon shumë të mirë, duke tentuar rikthimin në Superligë. Golat për korçarët janë shënuar nga Meksi dhe Berisha në minutën e 23 dhe shtesën e pjesës së parë, teksa për Bylisin ka realizuar Qardaku.
Kastrioti-Flamurtari nga ana tjetër kanë zhvilluar një takim të bukur deri më tani, duke e mbyllur këtë fazë me rezultatin 1-1, golat janë shënuar nga Karakaci për krutanët dhe Diamanti për vlonjatët.
Kukësi-Egnatia e ka mbyllur këtë fraksion me shifrat 1-0 dhe goli i vetëm është realizuar nga Taipi në minutat shtesë të pjesës së parë.
Habitës ka qenë kjo pjesë e parë për Laçin që u duk se po kishte një ecuri shumë të mirë kohët e fundit. ‘Bardhezinjtë’ e kanë mbyllur këtë pjesë të parë të ndeshjes së kupës ndaj Tomorit në disfatë, teksa goli është realizuar nga Nako.
Teuta ka marrë avantazhin e pjesës së parë të takimit me Korabin me rezultatin minimal 1-0, ndërsa goli i vetëm u realizua nga Ivanovic në minutën e 12.
Partizani nga ana tjetër vijon të vuajë për rezultate, ndërsa takimin e fundit me Besëlidhjen e fitoi, këtë herë deri më tani nuk kanë mundur të realizojnë dhe ndeshja vijon me shifrat 0-0./K.T/Gijotina.com
Discussion about this post