I erdhi fundi dhe kësaj lidhjeje të krijuar nga programi i dashurisë “Për’puthen”. Melisa Lleshi dhe Andi Shehu kanë pasur shumë ulje e ngritje, por daljet e tyre publike, tregonin se sa ishin të dashuruar. Por diçka ka ndodhur dhe ata tashmë nuk janë më bashkë.
Një gjë të tillë ka lënë të kuptohet ish-konkurrentja e “Për’puthen” nga postimet që ka bërë në “Instastory”.
“E penduar deri në pikë të fundit. U kry. Euforike gjithmonë. Hiperaktive. Flas pafund prandaj ma kanë vu gishtin gjithmonë mu. Veç unë e ti e dimë sa shumë nuk kam folur. Nuk më intereson çka ju të gjithë mendoni sepse ky është limiti”, është shprehur e revoltuar Melisa.
Dyshimet se këto shkrime janë për Andin ,vërtetohen pasi Melisa i ka fshirë fotografitë e përbashkëta dhe nuk e ndjek më Andin në “Instagram”.
Kujtojmë që para disa kohësh Melisa dhe Andi kanë qenë të ftuar në “Përputhen Prime” ku kanë treguar më shumë rreth lidhjes së tyre duke u nisur nga fillimet e vështira e deri në bashkëjetesë.
Ata pohonin se ishin të lumtur në krahët e njëri-tjetrit, por mesa duket paskan patur shumë probleme për të cilat Melisa nuk ka folur dhe janë bërë shkak për këtë krizë të lidhjes së tyre.
Discussion about this post