Kanë mbërritur në Vlorë 2 anijet të cilat transportojnë dy TEC-et lundruese të marra me qira nga qeveria shqiptare të cilët do të prodhojnë energji elektrike duke djegur qindra tonë naftë në ditë.
Për momentin dy anijet TEC, ndodhen në zonën e petroliferës italo-shqiptare në pritje të infrastrukturës për ankorimin e tyre final. Pritet të nis puna për montimin e tyre në mënyrë që të kompletohen me aksesorët e nevojshme që i kanë të cmontuar. Për efekt sigurie gjatë transportit tubat dhe aksesorët cmontohen.
Ndërsa pritet të nisë puna sa i përket ngritjes se Infrastrukturës civile për ankorimim pra për vendin ku do të qëndrojnë, thellimin e zonës detare, që do të jetë zona e triportit ku do të qëndrojnë për dy vjet , gjithashtu Lidhja me sistemin e transmetimit të energjisë elektrikë nëpërmjet nënstacionin e TEC-it të Vlorës dhe Nënstacionin 220KV në Babicë, si dhe infrastruktura e furnizimit me lëndë djegesë që është nafte. Anijet do furnizohen nga tankerat pra vendi i stokazhit është petrolifera që është distancë e shkurtër rreth aseteve. Pritet që gjenerimi i energjisë të nisë në janar 2023, dhe energjia e prodhuar prej tyre të sigurojë rreth 15% të kërkesës për energji që ka vendi.
Sa i përket TEC-it lundues pati një prorestë nga ambjentalistët sipas të cilëve kjo do të shkatërronte mjedisin dhe turizmi në Vlorë , reagime ka pasur edhe nga opozita ndërsa nuk ka pasur një reagim nga qytetarët apo shoqëria civile në Vlorë, të paktën deri në këto momente.
Discussion about this post