Ish-zevendës ministrja e Brendshme Rovena Voda është paraqitur sot në Gjykatën e Posaçme Kundër Korrupsionit dhe Krimit të Organizuar.
Voda u arrestua për korrupsion të kryer gjatë periudhës kur mbante postin e zv.ministres në Ministrinë e Brendshme.
Në seancën e sotme do të verifikohet masa e dhënë në mungesë. Për Vodën është caktuar masa “arrest shtëpie”, e dyshuar “per ushtrim i ndikimit të paligjshëm ndaj personave që ushtrojnë funksione publike”.
Gjithashtu pritet që ajo të japë deklarime në gjykatë lidhur me akuzat që rëndojnë mbi të. Arrestimi i Rovena Vodës erdhi pas hetimeve të SPAK për prokurorin e Kukësit, Edmond Karriqi.
Nga përgjimet rezultoi se Rovena Voda ka pranuar nga avokatja Florida Beu 1 mijë euro, një telefon dhe një arkë me peshk për punësimin e saj në Ministrinë e Brendshme.
