Kryeministrja e Italisë, Giorgia Meloni ka mbërritur këtë pasdite në Vlorë.
Meloni do të qëndrojë për pushime në Vlorë për afro 2-3 ditë së bashku me familjen e saj.
Meloni është nisur nga Brindizi drejt Shqipërisë me një traget linje. Kryeministrja italiane ndërpreu pushimet e saj në Pulia, në një fermë pranë Ceglie Messapica dhe u nis për në Shqipëri.
Ndërkohë për vizitën e Melonit në Portin e Vlorës janë shtuar forca të shumta policie. Meloni ndodhet në vendin tonë, nën shoqërinë e familjarëve dhe të miqve të saj.
Meloni i është përgjigjur ftesës së Ramës, i cili pak ditë më parë tha për mediat italiane se e ka ftuar kryeministren italiane që të pushojë në Shqipëri.
Discussion about this post