Shkëlqim Rusi, vëllai i Adem Rusit, shqiptarit që u raportua se vrau veten në një furgon policie në burgun grek, ka reaguar sërish pas mbërritjes së trupit të pajetë të vëllait të tij në Shqipëri.
Ademi është shprehur se ka bërë sërish kallëzim penal në prokurori dhe bën thirrje që të vëllait t’i bëhet autopsia për shkak të dyshimeve që kanë për vetëvrasjen.
“Në prokurori ka vajtur kallëzimin penal që bëra, dhe do shkoj të pyes për të marrë fletën nëse do pranojnë kallëzimin. Dua me çdo kusht që t’i bëhet autopsia, që të di shkakun e vdekjes e të fle rehat. I kam marrë të gjitha letrat, vetëm atë të prokurorisë pres. Përgjigje deri më tani kam ato që kanë nxjerrë grekët, por unë nuk besoj asnjë gjë, këtu do dalë e vërteta”, tha Rusi.
Ai ka shfaqur sërish mosbesim për historinë që i ka treguar drejtori i burgu në lidhje me vetëvrasjen, ku thotë se në burg nuk lejohet as lidhëse këpucësh dhe as rrip.
“Morën fillimisht nënën, pastaj më morën mua e më thanë që e kemi çuar në spital, për kontroll rutinë, natën nuk ka kontroll rutinë. Ka pirë klorinë më tha drejtori i burgut, tha u bë mirë, kur po e kthenim fatkeqësisht vari veten, në makinë të policisë, me gardianë brenda. Ata nuk të lenë as me lidhëse këpucësh, as me rrip, asgjë të ketë i burgosuri, plus ka qenë i prangosur dhe me 2-3 shoqërues”, shprehet ai.
Ndër të tjera, ai tha se kërkon drejtësi që pas të vëllait të mos kenë radhën të tjerët dhe bëri thirrje që të ngrihen strukturat në ambasada për të burgosurit.
Discussion about this post