Ka mbërritur në Shqipëri, në orën 03:15 grupi i parë me 121 qytetarët afganë që do të qëndrojnë përkohësisht në vend.
Qendra e pritjes së përkohshme është inspektuar nga Ministrja Xhaçka por edhe nga ambasadorja e SHBA në Tiranë, Yuri Kim, ndërsa kryeministri Rama zgjodhi t’i uronte mikpritjen afganëve përmes një postimi në rrjetet sociale.
“MIRËMËNGJES PA U GDHIRË dhe me këtë episod live mikpritjeje shqiptare, që na kujton kush ishim dikur e na bën nder si vend e si popull, që krenohemi me traditën jo veç me fjalë, ju uroj një ditë të mbarë të gjithëve, duke i uruar së bashku me të gjithë ju mirëseadhjen, në tokën ku ligji i të parëve thotë se shtëpia e shqiptarit është e Zotit dhe e mikut, edhe 121 fëmijëve, grave e burrave nga Afganistani fatkeq, të cilët braktisën shtëpinë e tokën e tyre, për të shpëtuar jetën”, shkruan Rama.
