Përveç Tiranës dhe Durrësit, afganet do të strehoen dhe në Lezhë. Atje po bëhet gati një kamp ku do të qëndrojnë.
Këtë lajm e ka bërë të ditur ministrja e Jashtme, Olta Xhaçka, e cila ishte sot në Qytetin Studenti për të parë kushtet ku do të strehohen përkohësisht afganët që pritet të vijnë këto ditë. Xhaçka, fillimisht inspektoi çadrat që janë vendosur në Komandën e Forcës Ajrore në Rinas. Më pas, Xhaçka u zhvendos në godinat e Qytetit Studenti, ku refugjatët do të strehohen përkohësisht.
Ata do të qëndrojnë aty deri në nisjen e sezonit të ri universitar, ndërsa më pas do të zhvendosen drejt Lezhës, në një kamp të posaçëm që do të ngrihet atje.
Nga ana tjetër burime nga bashkia bëjnë me dije se bëhet fjalë për rreth 350 qytetarë afganë që pritet të mbërrijnë në vendin tonë, ku fillimisht do të strehohen në 2 godina, nga 7 që janë vënë në dispozicion me një kapacitet prej 1200 shtretërish.
Ndarja në dhoma do të bëhet sipas marrëdhënieve familjare apo preferencave individuale.
Ashtu si kurse ambasadorja e SHBA-së, Yuri Kim dhe kryeministri Edi Rama, edhe Ruseti ka sqaruar se qëndrimi i tyre është i përkohshëm, bëhet fjalë për 2-3 javë, dhe më pas kur të nisin edhe universitetet, afganët do të dërgohen në qytetet bregdetare. Për ta janë vënë në dispozicion edhe stafe mjekësore, ku do t’iu nënshtrohen një testi të shpejt anti-COVID si edhe vizita të tjera për gjendjen shëndetësore.
